Rritet niveli i Vjosës arrin në 5.8 metra, situata rëndohet nga ora në orë

Niveli i ujit në Vjosë, në pikën matëse të Novoselës, ka arritur sot në kuotën 5.8 metra, duke treguar një rritje të ndjeshme të prurjeve. Sipas të dhënave të fundit, situata po rëndohet gradualisht, me prurje që shtohen nga ora në orë për shkak të reshjeve të dendura dhe ujërave që vijnë nga zona e Morës.

Autoritetet janë në gatishmëri të plotë dhe po monitorojnë vazhdimisht lumin, ndërsa paralajmërojnë se nëse ritmi i rritjes vijon, mund të ketë rrezik për zonat e ulëta përreth. Banorëve u kërkohet kujdes dhe të ndjekin njoftimet zyrtare për çdo zhvillim të mundshëm.