Shqipëria duhet të përmirësojë performancën e administratës tatimore përmes zbatimit të reformave në drejtim të zgjerimit të bazës së taksave, përmirësimit të sistemit dhe reduktimit të parasë kesh në ekonomi.

Ky është rekomandimi kryesor i Bankës Europiane për Rindërtim dhe Zhvillim në raportin e tranzicionit 2022-2023.

BERZH thotë se reformat në tatime janë të domosdoshme për të shmangur rrezikun fiskal, që kërcënohet nga çmimet e larta. Shqetësimi pasqyrohet pas publikimit të raportit të Kontrollit të Lartë të Shtetit, ku administrata tatimore nuk ka mbledhur dot 400 milionë euro në nëntë muajt e parë të këtij viti.

Rekomandimi tjetër i BERZH është përmirësimi i klimës së biznesit, rritjen e mbështetjes për bizneset e vogla dhe të mesme dhe garantimi i sigurisë së shërbimeve online qeveritare.

BERZH parashikon që rritja ekonomike të jetë 3 për qind, si për këtë vit, ashtu edhe për vitin e ardhshëm.

LEXONI GJITHASHTU: 

• KE kërcënon Hungarinë/ Unioni, drejt pezullimit të fondeve për vendin anëtar
• Porti i Durrësit/ Shehi: Kush do paguajë 2 mld për projektin? Tokat do vidhen