Rubiales në gjykatë, ish-kreu i Federatës spanjolle akuzohet për agresion seksual

Ish-presidenti i Federatës së Futbollit të Spanjës është paraqitur në gjykatën e Madridit për t’iu përgjigjur pyetjeve mbi puthjen që i dha lojtares Jenni Hermoso.

Prokurorët e akuzojnë atë për agresion seksual dhe ushtrim force pasi ai e puthi në buzë pas fitores së Kupës së Botës për Femra.

Luis Rubiales pretendon se akti ishte konsensual dhe mohon të ketë ushtruar presion ndaj futbollistes për të dalë në mbrojtje të tij pasi skandali shpërtheu.

Prokurori i çështjes ka nisur një hetim paraprak dhe do të vendosë nëse akuzat do të duhet të trajtohen në një proces gjyqësor. Nëse shpallet fajtor, Rubiales mund të gjobitet ose të dënohet me 4 vjet burg.

Nga ana e saj, futbollistja Hermoso, e saponominuar nga FIFA si Lojtarja e Vitit, ka mohuar vazhdimisht që të ketë lejuar puthjen.

Incidenti shkaktoi zemërim në Spanjë dhe jashtë vendit dhe intensifikoi debatin për sjelljen e burrave ndaj grave.

LEXONI GJITHASHTU:

• Pas skandalit të Rubiales, shkarkohet trajneri i ekipit kombëtar të grave të Spanjës
• Spanjë| Ekipi Kombëtar i Futbollit të burrave dënon sjelljen e Rubiales