Rusët godasin Kievin, Zelensky: Trupat terroriste shtuan sulmet

Forcat ruse sulmuan rajonet e Kievit dhe Çernihivit këtë të enjte, zona të cilat nuk ishin shënjestruar prej javësh.

Lajmin e dha guvernatori rajonal i Kievit, përmes rrjetit Telegram.

Shpërthimet ndodhën para vizitës së presidentit të Lituanisë dhe u konfirmuan edhe nga presidenti ukrainas, Volodimir Zelenski.

“Trupat terroriste ruse kanë shtuar aktivitetin e tyre të raketave. Sirenat e sulmit ajror u dëgjuan shumë herë, në shumë qytete ukrainase sot. Në këtë situatë, për mua, është shumë e rëndësishme të dëgjoj nga presidenti lituanez se do të kemi më shumë mbështetje për Forcat e Armatosura Ukrainase në të ardhmen”, tha Zelenski.

Ushtarët ukrainas përdorën artileri vetëlëvizëse ndërsa vijuan përpjekjen e tyre për zmbrapsur forcat ruse nga qyteti i dytë më i madh, Karkivi.

Ministria Ruse e Mbrojtjes publikoi pamje këtë të enjte, ku shihen “njësi xheniere të Qarkut Ushtarak Perëndimor që kryejnë pastrimin e minave të vendbanimeve të çliruara në rajonin e Karkivit”.

LEXONI GJITHASHTU:

• ‘Ukraina digjet, çifti Zelensky pozon’, kopertina në Vogue ndez gjakrat
• S’ka armëpushim pa marrë territoret e pushtuara nga Rusia, thotë Zelenski