Rusia akuza SHBA-së dhe Perëndimit: Po pengojnë operacionin ushtarak në Ukrainë

Ministri rus i Mbrojtjes, Sergei Shoigu tha se SHBA dhe vendet e tjera perëndimore po bëjnë gjithçka për të penguar operacionin ushtarak të Rusisë në Ukrainë.

Shoigu u shpreh se dërgimi i armëve nga këto vende në Ukrainë , dëshmon qartë synimet e tyre për të provokuar regjimin e Kievit dhe për të luftuar kundër ushtrisë ruse, shkruan BBC.

Ai shtoi se forcat ruse po zbatojnë një plan për “çlirimin e republikave popullore të Donetsk dhe Luhansk”, duke iu referuar entiteteve të vetëshpallura rebele në Ukrainën lindore.

Shoigu, u shfaq në kanalin televiziv shtetëror të Rusisë “Rossiya 24”, duke folur në një bord këshillues me zyrtarët më të lartë ushtarakë të vendit.

Ndërsa, Ministri i Jashtëm Sergei Lavrov deklaroi më herët se Rusia nuk do të përdorë armë bërthamore në Ukrainë.

Lavrov tha gjithashtu se me ofensivën ruse të fokusuar tani në lindje të Ukrainës, lufta po hyn në një fazë të re.

LEXONI GJITHASHTU

• S’do përdorim armë bërthamore në Ukrainë, thotë ministri Lavrov
• 18 fotografitë më prekëse të luftës në Ukrainë
• Zelanda e Re sanksione shtesë ndaj institucioneve financiare ruse