Rusia avancon në lindje të Ukrainës, merr nën kontroll dy fshatra në Donetsk

Ministria e Mbrojtjes së Rusisë ka njoftuar se forcat e saj kanë marrë kontrollin e dy fshatrave të tjerë në lindje të Ukrainës.

Fshatrat që Moska pretendon se ka marrë nën kontroll janë Ivanivka në rajonin e Donetsk dhe Zahryzove në rajonin e Kharkiv. Lajmi u raportua nga agjencia shtetërore e lajmeve RIA, e cila citoi ministrinë e Mbrojtjes duke deklaruar përparimin në këto zona.

Përveç kësaj, ministria ka pohuar se javën e kaluar ka rrëzuar katër raketa të prodhimit britanik “Storm Shadow”.

Ndërkohë, Instituti për Studimin e Luftës (ISW) ka raportuar se Rusia ka gjasa të përparojë në kufijtë e qytetit të Kurakhove, i cili ndodhet në rajonin e Pokrovsk, duke e shtuar kështu presionin mbi forcat ukrainase në atë zonë.

LEXONI GJITHASHTU:

• Putin: Rusia gati për negociata, por marrëveshja të mos firmoset nga Zelensky
• Putin: Duhet të kisha pushtuar Ukrainën më herët