Rusia bombardon rajonin e Kharkiv, vritet 6-vjeçarja e pafajshme e persona të tjerë

Katër civilë, përfshirë një vajzë gjashtëvjeçare, janë vrarë nga bombardimet ruse në rajonin verilindor të Kharkiv të Ukrainës, ka thënë Ministria e Brendshme.

Sipas mediave të huaja, Guvernatori i Kharkiv, Oleh Synehubov tha se një prift 58-vjeçar u vra gjithashtu pasi mbeti nën rrënojat e një kishe që u godit.

Të paktën 12 shtëpi banimi u dëmtuan kur Rusia hodhi bomba FAB-500 në qytet, i cili është rreth 25 milje nga kufiri rus, tha zoti Synehubov.

Pesë persona të tjerë u plagosën në atë që është bërë një qytet fantazmë i shkatërruar nga lufta.

Ministria e Brendshme tha se një vajzë gjashtë vjeçare dhe gjyshi i saj 48 vjeçar u vranë në fshatin Velykyi Burluk pranë Kupiansk.

Para luftës, Kupiansk ishte një qendër aktive hekurudhore me një popullsi prej rreth 30,000 personash.

Ai u pushtua për pak kohë nga forcat ruse në javët e para të pushtimit rus, por u rimor nga Ukraina në një kundërofensivë në vjeshtën e atij viti.

LEXONI GJITHASHTU:

• Zbardhet deklarata e përbashkët e samitit për Ukrainën: Dënojmë agresionin rus
• Aleatët braktisin Macron, SHBA-Britani-BE: Jo trupa të NATO në Ukrainë