Rusia demonstron forcën në paradën ushtarake, Putin fjalim për “Ditën e Fitores”

9 maji, i njohur si “Dita e Fitores” brenda Rusisë, përkujton triumfin e vendit ndaj nazistëve në vitin 1945. Ajo festohet me  një paradë ushtarake në Moskë, ku  liderët rusë tradicionalisht qëndrojnë mbi varrin e Vladimir Leninit në Sheshin e Kuq. Prej kohësh Rusia është përgatitur për paradën ushtarake e cila përdoret dhe si një simbolikë për të treguar forcën përpara Perëndimit. I pranishëm në paradë ishte edhe presidenti rus Vladimir Putin.

Putin e filloi fjalimin e tij duke thënë se një luftë e vërtetë po bëhej pikërisht tani dhe pretendoi përsëri se Rusia po mbronte sovranitetin e saj në Ukrainë.

Ne fjalimin e tij Putin u shpreh se është krenar për ushtarët që marrin pjesë në operacionin ushtarak në Ukrainë. Ai shtoi se e ardhmja dhe qendrueshmëria e Rusisë varet tek këta njerëz duke shtuar se të gjithë duhet të mbështesin heronjtë e tyre. Putin e krahasoi luftën e sotme me fitoren e Rusisë në Luftën e Dytë Botërore.

“Nuk ka kauzë më të fortë në botë se dashuria jonë për forcat tona të armatosura,” thotë Putin ndërsa përfundoi fjalimin e tij.

“Për Rusinë, për forcat tona të armatosura,” përfundon ai, teksa nisi te luhej himni kombëtar rus.

Ekspertët në Rusi kanë vënë në dukje se “Dita e Fitores” është bërë me kalimin e kohës një ngjarje me më shumë qëllime sesa thjesht festimin e arritjeve ushtarake të Rusisë në të kaluarën. Ajo ka të bëjë kryesisht me nxitjen e mbështetjes për Rusinë në të tashmen dhe me demonstrimin e fuqisë së forcave ushtarake të Rusisë.

LEXONI GJITHASHTU: 

• Ukraina pretendon se Rusia ka humbur 100 mijë ushtarë në betejën për Bakhmut
• Shpërthejnë protestat kundër dhunës në Serbi, reagon ashpër Vuçiç