Zëdhënësja e Ministrisë së Jashtme ruse, Maria Zakharova tha se janë duke u zhvilluar bisedime për shkëmbim të mundshëm të të burgosurve në mes të Moskës dhe Uashingtonit, por ende nuk është arritur marrëveshje.
“Ende nuk është arritur rezultat konkret”, u shpreh ajo përmes një deklarate, shkruan Reuters.
Të mërkurën, Sekretari i Shtetit Antony Blinken deklaroi se SHBA-ja i kanë ofruar Rusisë një marrëveshje që synon lirimin e yllit të basketbollit Brittney Griner dhe amerikanit të burgosur, Paul Whelan.
Blinken nënvizoi se pret të flasë me homologun rus për herë të parë që kur Kremlini sulmoi Ukrainën, një ndryshim i mprehtë i politikës së mëparshme amerikane.
Familjarët e të dy amerikanëve janë duke kërkuar vazhdimisht nga administrata Biden për kthimin e tyre.
LEXONI GJITHASHTU
- Blinken ofertë Moskës për lirimin e dy amerikanëve, pritet përgjigja
- Bota ishte më e sigurt gjatë Luftës së Ftohtë, thotë zyrtari britanik
- Moska paralajmëron për pasoja nëse Ukraina përdor armë të prodhuara nga SHBA
