Rusia do të fokusohet në zhvillimin e marrëdhënieve me Kinën, thotë Lavrov

Ministri i Jashtëm i Rusisë, Sergei Lavrov deklaroi se Moska do të shqyrtojë ofertat nga Perëndimi për të rivendosur lidhjet, por tani do të fokusohet në zhvillimin e marrëdhënieve të saj me Kinën.

Lavrov akuzoi vendet perëndimore se mbështesin “rusofobinë” që kur Moska filloi “operacionin e saj special ushtarak” në Ukrainë, shkruan BBC.

“Nëse Perëndimi dëshiron të ofrojë diçka në lidhje me rifillimin e marrëdhënieve, atëherë ne do të shqyrtojmë seriozisht nëse do të na duhet apo jo. Qëllimi i Moskës tani është të zhvillojë më tej lidhjet me Kinën”, tha Lavrov.

Ministri nënvizoi se nëse vendet perëndimore propozojnë një formë të re bashkëpunimi, Moska do të vendosë në lidhje me këtë çështje.

LEXONI GJITHASHTU

• Forcat ruse po kryejnë masakër në Donbas, sipas Zelenskit
• Rusia mund të krijojë bazë ushtarake në rajonin Kherson të Ukrainës