Ish-ushtaraku Asllan Bushati tha për Euronews Albania se ardhja e dy rusëve dhe një ukrainasi në bazën ushtarake në Gramsh është e lidhur me luftën Rusi-Ukrainë.
Sipas tij, Putin do të largojë fokusin nga lufta dhe nuk ka asnjë vend më të mirë se një vend i Ballkanit që nuk është sllav.
Bushati pretendon se ardhja e tre personave në Gramsh lidhet drejtpërdrejt me Putin.
“Ata janë agjent rus, kanë ardhur për veprimtari ruse,” – u shpreh ai, ndërsa theksoi me bindje se bëhet fjalë për një veprimtari në dëm të Shqipërisë.
Ish-ushtaraku iu referua dhe historisë duke thënë se Rusia ka qenë gjithnjë e interesuar për bazat ushtarake në Shqipëri.
Dy shtetas rusë dhe 1 ukrainas tentuan të hyjnë në ish-uzinën e armëve në Gramsh mbrëmjen e së shtunës.
Ata sulmuan me spray neuro-paralizues dy ushtarët shqiptarë që ndodheshin në uzinë. Autoritetet shqiptare janë duke hetuar ngjarjen deri në zbardhjen e plotë të saj.
LEXONI GJITHASHTU: