Rusia i përgjigjet Kallas: Asnjë fuqi nuk mund të kufizojë buxhetin tonë ushtarak

Asnjë forcë e jashtme nuk mund të kufizojë kurrë shpenzimet ushtarake të Rusisë, iu përgjigj Moska sot, shefes së diplomacisë së BE-së, Kaya Kallas.

Kallas tha dje, se ushtria dhe buxheti ushtarak i Rusisë duhet të reduktohen, pa shpjeguar se si mund të bëhet kjo.

Zëvendësministri i Jashtëm rus Alexander Grushko vuri në dukje se asnjë forcë nuk mund ta kufizojë buxhetin ushtarak të Rusisë, sipas agjencisë shtetërore të lajmeve ruse TASS, e cila citoi deklaratat e tij.

Rusia ka përjashtuar çdo prani të forcave nga i ashtuquajturi “koalicion i të vullnetshëmve” në Ukrainë, shtoi Grushko, përsëri sipas TASS.

LEXONI GJITHASHTU:

• Rusia dënon 8 persona me burgim të përjetshëm për shpërthimin në urën e Krimesë
• Paralajmëron ministri i Jashtëm gjerman: Rusia mund të sulmojë një tjetër vend