Rusia kërkon që aneksimet të njihen përpara bisedimeve

Rusia thotë se refuzimi i Perëndimit për të njohur “territoret e reja” të marra nga Ukraina i bën bisedimet e paqes më të vështira, pasi presidenti Joe Biden tregoi se do të ishte gati të takonte Vladimir Putin.

Kremlini tha se ishte i hapur për negociata, por jo për kërkesën e Perëndimit për t’u tërhequr nga Ukraina, shkruan BBC.

Rusia aneksoi ilegalisht katër rajone të Ukrainës në fund të shtatorit, pa kontrolluar asnjë prej tyre.

Presidenti Biden u tha gazetarëve të enjten mbrëma se ai ishte i gatshëm të takonte liderin rus “nëse në fakt ka një interes që ai të vendosë se ai po kërkon një mënyrë për t’i dhënë fund luftës”.

Duke qëndruar pranë tij në Shtëpinë e Bardhë, Emmanuel Macron i Francës e bëri të qartë se të dy liderët kishin rënë dakord se kurrë nuk do t’i nxisin ukrainasit të bëjnë një kompromis “që nuk do të jetë i pranueshëm për ta”.

Ushtria ruse është detyruar të tërhiqet në Ukrainën jugore, ndërkohë që ka nisur sulme të gjera në infrastrukturën civile.

LEXONI GJITHASHTU:

• Zelensky fton Musk në Ukrainë për të parë me sytë e tij se çfarë ka bërë Rusia
• Bjellorusia, jashtë luftës, Tikhanovskaya: Trupat tona pro-ukrainase