Zelensky fton Musk në Ukrainë për të parë me sytë e tij se çfarë ka bërë Rusia

Presidenti i Ukrainës, Volodymyr Zelensky, ftoi miliarderin amerikan dhe pronarin e Twitter, Elon Musk, të vizitojë Ukrainën.

“Nëse zoti Musk dëshiron të kuptojë se çfarë ka bërë Rusia këtu, le të vijë në Ukrainë dhe ta shohë me sytë e tij. Pas kësaj, ju do të na tregoni se si t’i japim fund kësaj lufte, kush e filloi dhe kur mund ta përfundojmë atë,” tha Zelensky përmes video-lidhjes si i ftuar në konferencën “New York Times”, raporton “Pravda”.

Gazeta e Kievit shton se Musk, i cili në ditët e para të luftës mbështeti Ukrainën duke ofruar internetin satelitor “StarLink”, në ditën e 222 pas sulmit të Rusisë i sugjeroi Ukrainës të kapitullonte dhe i pyeti ndjekësit e tij në Twitter nëse ishin dakord me vizionin e tij të paqes, në të cilën mund të përfundojë konflikti.

LEXONI GJITHASHTU:

• Twitter mbyll selinë evropiane, miliarderi Musk s’pranon rregullat e unionit
• Ukraina grurë për botën, Zelensky: Do t’i përmbushim detyrimet pavarësisht luftës