Rusia kërkon mbledhje urgjente të OKB-së, shkak sulmet në Detin e Kuq

Rusia ka kërkuar një takim urgjent të Këshillit të Sigurimit të OKB-së për të premten në lidhje me sulmet SHBA-MB në Jemen, kështu ka njoftuar Misioni i Përhershëm Rus në OKB.

Misioni i tha agjencisë ruse të lajmeve Tass se takimi ishte planifikuar për në 10:00 në Nju Jork.

Të mërkurën, një rezolutë e Këshillit të Sigurimit kërkoi që Houthi-t e Jemenit t’i japin fund menjëherë sulmet e tyre ndaj anijeve në Detin e Kuq.

Rusia dhe Kina – anëtarë të përhershëm të Këshillit – abstenuan në votimin për atë rezolutë, së bashku me Algjerinë dhe Mozambikun, ndërsa 11 vende votuan për të.

Kujtojmë se Forcat amerikane dhe aleatët e saj goditën më shumë se 60 objektiva në 16 lokacione të përdorura nga rebelët Houthi në Jemeni. Më shumë se 100 municione të drejtuara me saktësi u përdorën në sulme.

LEXONI GJITHASHTU:

• Kievi paralajmëron: Rusia mund të mposht mbrojtjen ajrore të Ukrainës
• Këshilli i Sigurimit të OKB bën thirrje për ndaljen e sulmeve në Detin e Kuq