Guvernatori i Luhanskut, Serhii Haidai tha se 80% e territorit të këtij rajoni është nën kontrollin e rusëve.  Sipas tij, nëse Ukraina nuk reziston, Rusia nuk do të ndalet dhe do të vazhdojë më tej.

Haidai tha për CNN, se faza e dytë e luftës tashmë ka filluar, por Rusia ende nuk e ka pushtuar Ukrainën.

“Ne kemi vendosur mbrojtjen tonë në shumë qytete. Ata po përpiqen të rrethojnë trupat tona, shumë gjëra të këqija po ndodhin, por ata nuk kanë pasur asnjë sukses deri më tani. Ne po shkatërrojmë pajisjet e tyre”, u shpreh ai.

Zyrtari u ka bërë thirrje civilëve të mbetur që të largohen nga rajoni lindor i Ukrainës ndërsa luftimet intensifikohen. Ai tha se nga 350,000 njerëz që jetonin në territorin ukrainas të Luhansk para luftës, kanë mbetur rreth 70,000.

LEXONI GJITHASHTU

• Oligarku rus thirrje Perëndimit që të ndalet lufta në Ukrainë
• Aleatët në ndihmë të Ukrainës: Të izolojmë Rusinë, nuk mund të fitojë