Rusia liron 144 ushtarë ukrainas, vijojnë sulmet në disa qytete

Inteligjenca ushtarake e Ukrainës ka publikuar një video ku pretendohet se tregon shkëmbimin e të burgosurve midis Ukrainës dhe Rusisë.

Presidenti Volodymyr Zelenskyy ka konfirmuar se 144 personel ushtarak ukrainas janë liruar nga robëria ruse si pjesë e një pakti për shkëmbimin e  të burgosurve. Ky është shkëmbimi është më i madhi që nga fillimi i luftës.

“Dua t’u them të afërmve të mi se do të kthehem së shpejti tek ata. Sinqerisht, jam i shumë i emocionuar. Por ishte shumë e vështirë për të lëvizur sepse është një tjetër përpjekje për t’u kthyer në shtëpi dhe më parë nuk funksionoi. Gjatë udhëtimit mendoja se do të dështonte dhe do të ktheheshim në robër”, shprehet Artur, një ushtar ukrainas.

Nga të burgosurit ukrainas të liruar, 95 ishin të përfshirë në mbrojtjen e fabrikës së çelikut Azovstal në Mariupol dhe shumë prej tyre kanë lëndime të rënda, duke përfshirë djegie. Megjithatë ata tani po marrin kujdes mjekësor.

Ndërkohë sulmet vijojnë, të paktën katër persona raportohet se u vranë dhe pesë të tjerë u plagosën nga një sulm me raketa ruse në një ndërtesë banimi në qytetin jugor të Ukrainës, Mykolaiv.

Një ndërtesë katërkatëshe u shkatërrua pjesërisht. Moska e pranoi sulmin në qytet, por tha se forcat e saj kishin goditur një bazë trajnimi për “mercenarët e huaj” në rajon.

LEXONI GJITHASHTU:

• ‘Do kundërpërgjigjemi’, kërcënimi i Rusisë për zgjerimin e NATO-s
• Kërcënimi nga Rusia, NATO premton mbështetje për Gjeorgjinë e Moldavinë