Rusia numëron qytetet që ka marrë nën kontroll

Forcat ruse kanë bllokuar qytetet Kherson dhe Berdyansk dhe kanë kryer një tjetër sulm me raketa në infrastrukturën ushtarake të Ukrainës, tha zëdhënësi i Ministrisë ruse të Mbrojtjes, Igor Konashenkov.

Ukraina kishte rimarrë Kherson në fillim të javës. Qyteti është në jug të Ukrainës, në veri-perëndim të Krimesë, ndërsa Berdyansk është një qytet port në lindje të Krimesë.

Konashenkov tha se qyteti i Henichesk dhe fusha ajrore Chornobayivka pranë Kherson ishin marrë gjithashtu nën kontroll.

Sipas tij, ushtria ruse dje ka goditur infrastrukturën ushtarake të Ukrainës duke përdorur raketa lundrimi të lëshuara nga ajri dhe nga deti.

LEXONI GJITHASHTU:

• Rusia sulmon me raketë gazsjellësin në Vasylkiv
• Sa pjesë të territorit të Ukrainës ka pushtuar deri tani Rusia?