Rusia ka paralajmëruar Shtetet e Bashkuara të Amerikës që të mos dërgojnë më armë në Ukrainë.
Kështu ka bërë të ditur ambasadori i Rusisë në Uashington, Anatoly Antonov gjatë një interviste për televizionin rus Rossiya 24.
“Ne e shohim si të papranueshme situatën në të cilën Shtetet e Bashkuara të Amerikës dërgojnë armë në Ukrainë dhe kërkojmë që kësaj t’i jepet fund”, u shpreh ai.
Antonov tha se një notë zyrtare diplomatike i ishte dërguar Uashingtonit që shprehte shqetësimet e Rusisë, shkruan Reuters.
Ai tha se furnizime të tilla me armë nga Shtetet e Bashkuara do të përkeqësonin më tej situatën dhe do të rrisnin rrezikun e konfliktit.
Sekretari i Shtetit Antony Blinken dhe Sekretari i Mbrojtjes Lloyd Austin udhëtuan në Kiev për të takuar Presidentin e Ukrainës Volodimir Zelenski, të dielën.
Ndërsa, më herët gjatë muajit prill, presidenti i SHBA-ve Joe Biden njoftoi një ndihmë ushtarake shtesë prej 800 milionë dollarësh për Ukrainën.
LEXONI GJITHASHTU
- ‘Ukraina mund të fitojë’, detaje nga takimi i Zelenskit me zyrtarët amerikanë
- SHBA konfirmon se Blinken dhe Austin janë takuar me Zelenskin
