Rusia për ngjarjet në Bangladesh: Presim kthim të normave kushtetuese sa më parë

Rusia ka thënë se ngjarjet e fundit në Bangladesh janë një “çështje e brendshme” e vendit.

Megjithatë ajo shpreson për një kthim të shpejtë të proceseve të brendshme politike në “normat kushtetuese”.

“Moska operon me premisën se ndryshimet në qeverinë e Bangladeshit përbëjnë një çështje të brendshme të atij vendi. Megjithatë, ne presim që proceset e brendshme politike në atë vend mik t’i kthehen normave kushtetuese sa më shpejt të jetë e mundur,” tha ministrja e jashtme turke.

Kryeministrja Sheikh Hasina u largua nga posti i saj të hënën, pas disa javësh protesta kundër qeverisë së saj, në të cilat u vranë qindra njerëz.

Shefi i ushtrisë, gjenerali Waker-uz-Zaman, në një fjalim drejtuar kombit, tha se Hasina kishte dhënë dorëheqjen dhe një qeveri kalimtare do të drejtojë tani vendin me 170 milionë banorë.

Qindra njerëz u vranë dhe u plagosën gjatë protestave të korrikut, të cilat fillimisht kërkonin heqjen e kuotave në vendet e punës në qeveri dhe më pas dorëheqjen e Hasinës, e cila kishte 15 vjet në pushtet.

LEXONI GJITHASHTU:

• 79-vjetori i bombardimeve në Hiroshima, zyrtari i OKB: Rreziku është edhe sot
• Rusia në lindjen e mesme, i dërguari i Putin në Teheran për të diskutuar për krizën