Rusia përgatit projektligjin e ‘marrëveshjes së besnikërisë’ për të huajt

Moska ka përgatitur projektligjin që do t’i detyronte të huajt që jetojnë në vend, që të nënshkruajnë një “marrëveshje besnikërie” ndaj Rusisë, sipas agjencisë shtetërore të lajmeve TASS.

Sipas mediave të huaja, marrëveshja do t’i ndalonte ata të kritikonin politikën zyrtare, të diskreditonin historinë ushtarake sovjetike ose të kundërshtonin vlerat tradicionale të familjes.

Një i huaj që hyn në Rusi do të ndalohet të “ndërhyjë në aktivitetet e autoriteteve publike të Federatës Ruse, duke diskredituar në çfarëdo forme politikën e jashtme dhe të brendshme shtetërore të Federatës Ruse, autoritetet publike dhe zyrtarët e tyre”, tha TASS.

Marrëveshja do të përfshijë klauzola për moralin, familjen, “propagandën për marrëdhëniet seksuale jotradicionale” dhe historinë.

Të huajt do të ndaloheshin gjithashtu nga “shtrembërimi i së vërtetës historike rreth bëmës së popullit sovjetik në mbrojtjen e Atdheut dhe kontributit të tij në fitoren mbi fashizmin”, me gjasë një referencë për luftën në Ukrainë.

Nuk është e qartë se për cilët të huaj do të zbatohet projektligji ose cili do të jetë dënimi për ata që nuk i binden atij.

LEXONI GJITHASHTU:

• Raketa ndaj Ukrainës, bombardohen Kievi dhe Khersoni, dëmtohet infrastruktura civile
• Bisedime në samitin e Maltës, Kiev-Moskë akuzojnë njëra-tjetrën