Rusia pezullon lëshimin e pasaportave biometrike

Ministria e Jashtme e Rusisë ka pezulluar lëshimin e pasaportave të huaja biometrike për arsye teknike.

Në njoftimin e 26 gushtit, kjo ministri nuk dha arsye më të detajuara për këtë vendim.

Por, më herët Rusia kishte ndaluar lëshimin e dokumenteve të brendshme biometrike, për shkak të mungesës së çipave të kërkuar për to.

Në qershor, banka shtetërore ruse, Sberbank njoftoi se do të “rikodonte” çipat e vjetër që janë përdorur nga kjo bankë, për kartelat e reja bankare që kjo bankë lëshon.

Shtetet perëndimore kanë vendosur sanksione të ashpra ndaj Rusisë pas nisjes së pushtimit të Ukrainës. Në sanksione janë një sërë sektorësh, përfshirë edhe sektorët bankar dhe të teknologjisë.

LEXONI GJITHASHTU:

• Armatosja e arktikut, Stoltenberg: Të reagojmë ndaj sfidës strategjike të Rusisë
• Stoltenberg: Aktivitetet e ushtrisë ruse në Arktik, sfidë për NATO-n
• Rusia do të ndërtojë dy reaktorë bërthamorë në Hungari