English

‘Rusia po humbet kontroll’, ukrainasit rifitojnë disa zona, Zelensky: Moska gaboi

KOMENTE

SHPERNDAJE
ARTIKULLIN

Text sizeAa Aa

Rusia nuk ka më kontroll të plotë të asnjë prej katër provincave të Ukrainës, të cilat thotë se i aneksoi javën e kaluar.

- Advertisement -

Raportohet se trupat ukrainase përparuan dhjetëra kilometra në provincën Kherson në jug të vendit dhe arritën të rimarrin kontrolle edhe në lindje.

Brigadat ukrainase duket se kanë arritur përparimin e tyre më të madh në rajon që nga fillimi i luftës, duke shpërthyer në vijën e frontit dhe duke vijuar me shpejtësi përgjatë lumit Dnieper.

Fitoret u konfirmuan nga një zyrtar i administratës së mbështetur nga Rusia në provincën Kherson, të cilën Rusia e mori në fillim të luftës.

“Lëvizja sulmuese e ushtrisë sonë dhe të gjithë mbrojtësve tanë vazhdoi. Ka zona të reja të çliruara në disa rajone. Luftimet e ashpra vazhdojnë në shumë zona të frontit. Por perspektiva e këtyre armiqësive mbetet e dukshme, gjithnjë e më shumë pushtues po përpiqen të ikja, gjithnjë e më shumë viktima po pësohen nga ushtria armike dhe po kuptohet gjithnjë e më shumë se Rusia bëri një gabim duke shkuar në luftë kundër Ukrainës”, u shpreh Zelensky

Kremlini tha se do të “konsultohet me banorët e rajonit” për kufijtë e rajoneve të që janë pjesë  e Ukrainës, duke sugjeruar se Rusia nuk e di se ku janë kufijtë e saj ndërkombëtarë të vetëshpallur.

Në një komunikim me gazetarët, zëdhënësi presidencial Dmitry Peskov tha se nuk ishte marrë asnjë vendim përfundimtar për territoret e përfshira në Rusi.

“Republika Popullore e Luhanskut dhe Republika Popullore e Donetskut janë të përfshira në kufijtë e vitit 2014. Për Kherson dhe Zaporizhzhia do të vazhdojmë të konsultohemi me banorët e këtyre rajoneve për kufijtë”, shpjegoi Peskov.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×