Rusia po përgatitet të aneksojë më shumë territor ukrainas, sipas SHBA-ve

Koordinatori për Komunikimet Strategjike në Këshillin e Sigurisë Kombëtare në SHBA, John Kirby deklaroi se Rusia po hedh baza për të aneksuar më shumë territor ukrainas, dhe të vendosë liderë të paligjshëm në zonat që tanimë i kontrollon.

Duke folur nga Shtëpia e Bardhë, Kirby shtoi se kjo përbën një shkelje të sovranitetit të Ukrainës, shkruan CNBC.

Sipas tij, Rusia do të përdorë të njëjtën mënyrë, si me aneksimin e Krimesë në vitin 2014. Kirby theksoi se Moska po përgatitet që rubla ruse të përdoret si monedhë dhe t’i detyrojë banorët që të aplikojnë për shtetësi.

“Rusia ka nisur që të nxjerrë versionin e saj, të atij që e quan libër të aneksimit, shumë të ngjashëm me atë që pamë më 2014” kur pushtoi dhe më pas aneksoi Krimenë, tha Kirby.

Gjithashtu, koordinatori nënvizoi se Rusia po planifikon që të organizojë referendume të rreme në zonat që ka pushtuar.

The Biden admin. says it has evidence that Russia is “laying the groundwork” to annex several regions of Ukraine. Russia is also “installing illegitimate proxy officials” in Ukrainian areas already under its control, according to the National Security Council’s John Kirby. pic.twitter.com/I5GETscyMd

— CBS News (@CBSNews) July 19, 2022

LEXONI GJITHASHTU

• Rusia akuza Kosovës për mercenarë në Ukrainë, reagon Sveçla
• Ukrainasit thonë se i kanë rezistuar sulmeve ruse në Donetsk