Rusia pretendon se forcat e saj kanë nën kontroll rajonin e Ukrainës Lindore

Rusia pretendon se forcat e saj kanë marrë nën kontroll të plotë rajonin e Luhanskut në Ukrainën Lindore, pasi pushtuan qytetin e Lysychansk.

Ministri rus i Mbrojtjes, Sergei Shoigu informoi presidentin Vladimir Putin se Luhansk ishte “çliruar”, pasi Rusia më herët tha se forcat e saj kishin rrethuar qytetin Lysychansk, shkruan Reuters.

Ministri tha se forcat ruse dhe aleatët e tyre në zonë kishin fituar kontrollin e plotë mbi qytetin e Lysychansk.

Ndërsa, zyrtarët ukrainas kanë deklaruar se kjo është një propagandë e Rusisë.

Rusia raportoi gjithashtu shpërthime të dielën në qytetin e saj të Belgorodit, rreth 40 km (25 milje) në veri të kufirit me Ukrainën, që vranë të paktën tre persona dhe u  shkatërruan disa banesa.

LEXONI GJITHASHTU

• Rindërtimi pas luftës, konferencë në mbështetje të Ukrainës në Lugano