Rusia: Raketat e vjetra amerikane në Ukrainë nuk do të na pengojnë

Rusia tha se dërgimi i raketave “Patriot” nga Shtetet e Bashkuara në Ukrainë nuk do të ndihmojë në zgjidhjen e konfliktit ose nuk do ta pengojë Moskën të arrijë qëllimet e saj.

Megjithëse sistemi i mbrojtjes ajrore “Patriot” konsiderohet gjerësisht si i avancuar, presidenti Vladimir Putin e quajti atë si “mjaft të vjetër”, duke u thënë gazetarëve se Moska do të gjente një mënyrë për ta luftuar atë, shkruan Reuters.

Në të njëjtën kohë, ai tha se Rusia dëshiron t’i japë fund luftës në Ukrainë dhe se kjo do të përfshinte në mënyrë të pashmangshme një zgjidhje diplomatike.

“Qëllimi ynë nuk është të vazhdojmë konfliktin ushtarak, por përkundrazi, t’i japim fund kësaj lufte. Ne do të përpiqemi t’i japim fund kësaj; dhe sa më shpejt, aq më mirë, natyrisht”, theksoi shefi i Kremlinit.

Zëdhënësi i Shtëpisë së Bardhë, John Kirby deklaroi se Putin “ka treguar absolutisht zero indikacione se ai është i gatshëm të negociojë” një fund të luftës.

LEXONI GJITHASHTU

• Putin për herë të parë e quan konfliktin në Ukrainë “luftë”
• Gjermania arreston një shtetas të dyshuar për spiunazh për Rusinë
• Rusia: Udhëtimi i Zelensky tregon se as Ukraina dhe as SHBA nuk duan paqe