Putin për herë të parë e quan konfliktin në Ukrainë “luftë”

Presidenti rus Vladimir Putin përdori të enjten termin “luftë” për t’iu referuar konfliktit në Ukrainë.

Kjo është hera e parë që ai e quan konfliktin në Ukrainë “luftë”, pas muajsh të tërë që e ka cilësuar një “operacion ushtarak special”.

“Qëllimi ynë është t’i japim fund kësaj lufte,” u tha Putin gazetarëve në Moskë.

Kritikët e Putinit thonë se përdorimi i fjalës “luftë” për të përshkruar konfliktin e Ukrainës ka qenë i paligjshëm në Rusi, që nga marsi kur udhëheqësi rus miratoi një ligj që e quan krim shpërndarjen e informacioneve “të rreme” rreth pushtimit, duke u dënuar me 15 vite burg, shkruan CNN. 

Ende nuk dihet nëse ka qenë një lapsus, megjithatë presim komentet e Kremlinit në lidhje me deklaratën e Putinit. Mijëra janë vrarë, fshatra të tëra janë zhdukur dhe miliarda dollarë infrastrukturë janë shkatërruar që nga fillimi i pushtimit të Putinit në Ukrainë më 24 shkurt.

Komentet e Putinit të enjten erdhën pas një udhëtimi historik të Volodymyr Zelensky në Uashington, ku presidenti ukrainas mbajti një fjalim emocionues në Kongres duke bërë thirrje për më shumë mbështetje.

LEXONI GJITHASHTU: 

• Gjykata e Lartë lë në qeli rusin e dyshuar për spiunazh
• E rëndë në Pejë, foshnja e pajetë futet në lavatriçe, tentohet të fshihet ngjarja
• Analisti Daci: Greqia përdor minoritetin për pretendime territoriale ndaj Shqipërisë