E rëndë, në Pejë foshnja e pajetë futet në lavatriçe, tentohet të fshihet ngjarja

Një ngjarje e rëndë ka ndodhur në spitalin e Pejës në Kosovë, ku një foshnjë e porsalindur pa shenja jete është futur bashkë me çarçafë në një lavatriçe.

Gazetari Kosovë Gjoci raportoi nga Peja se ngjarja ka ndodhur në 13 dhjetor, por në media u publikua vetëm një ditë më parë.

Autoritetet në Pejë kanë tentuar ta mbajnë të fshehtë ngjarjen derisa u publikua në media.

Fëmija kishte lindur 8 muajsh me prerje çezariane.

Denoncimin e kanë bërë familjarët, të cilët u shokuan kur morën vesh lajmin se foshnja lindi pa shenja jete.

Familja pretendon se nga pakujdesia, foshnja e pajetë mendohet se është futur bashkë me çarçafë në makinën për larjen e rrobave të spitalit.

Këta të fundit kërkuan trupin e pajetë për ta varrosur, por nuk u është dorëzuar nga stafi mjekësor.

Familjarët kanë ngritur padi ndaj Spitalit të Pejës dhe prokuroria ka nisur hetimet.

LEXONI GJITHASHTU:

• Ofertë marramëndëse për Ronaldon, klubi saudit i ofron kontratë deri në 2030-n
• Faj i mamive apo i sanitareve që trupi i foshnjes u fut në lavatriçe me çarçafët?