Gjykata e Lartë lë në qeli rusin e dyshuar për spiunazh

Gjykata e Lartë ka lënë në fuqi masën “arrest me burg” për rusin e dyshuar për spiunazh, Mikhail Zorin.

Ai i ishte drejtuar me rekurs Gjykatës së Lartë për një masë më të butë sigurie, kërkesë që nuk është pranuar, duke lënë në fuqi vendimin e Gjykatës së Apelit Durrës.

Më herët Gjykata e Lartë ka rrëzuar edhe kërkesën e ruses tjetër, Svetlana Timofeva dhe ukrainasit Fedir Aplatov.

Tre të rinjtë u arrestuan pas incidentit në uzinën e armëve në Gramsh, ku sulmuan rojet me spray neoparalizues.

Ata po hetohen nga Prokuroria e Elbasanit dhe dyshohet se janë të dërguar të shërbimeve inteligjente për të mbledhur informacione sekrete në Shqipëri, kryesisht për infrastrukturat kritike.

LEXONI GJITHASHTU:

• ‘Spiunët’ mbeten në burg/ Gjykata e lartë rrëzon rekursin e dy rusëve dhe ukrainasit
• Ylli Manjani: Kam njohur nja dy spiunë që shanin spiunët e tjerë
• Kandimi në zgjedhje, Meta: Ligji për ish-spiunët duhet të ishte bërë më parë