English

Rusia: Udhëtimi i Zelensky tregon se as Ukraina dhe as SHBA nuk duan paqe

KOMENTE

SHPERNDAJE
ARTIKULLIN

Text sizeAa Aa

Rusia ka kritikuar ashpër vizitën në Uashington të Volodymyr Zelensky, duke akuzuar SHBA-në për një luftë indirekte kundër saj.

- Advertisement -

Presidenti Joe Biden ka premtuar 1.85 miliardë dollarë ndihmë ushtarake për Ukrainën, duke përfshirë një sistem të avancuar raketor për të ndihmuar në mbrojtjen kundër sulmeve ruse.

Në një fjalim sfidues për ligjvënësit amerikanë, Zelensky përshëndeti ndihmën, shkruan BBC.

Por ambasadori rus i SHBA tha se këto “veprime provokuese” do të çonin në një përshkallëzim me pasoja të rënda.

Anatoly Antonov i tha medias shtetërore ruse se Moska “po përpiqej të apelonte në sensin e përbashkët në të gjitha nivelet”, por bisedat për dërgimin e sistemit raketor Patriot në Kiev ishin “thellësisht shqetësuese”.

Moska është ankuar se nuk u dëgjuan thirrje për paqe gjatë udhëtimit të Presidentit Zelensky në Uashington, me zëdhënësin Dmitry Peskov që e përshkruan këtë si provë se SHBA po bënte një luftë me Rusinë.

Peskov shtoi se dërgimi i raketave Patriot nuk do ta pengonte Rusinë të “arriti qëllimet e saj gjatë operacionit special ushtarak”.

“Bisedimet në Uashington kanë treguar se as Ukraina dhe as Shtetet e Bashkuara nuk po kërkojnë paqe. Ata thjesht synojnë të vazhdojnë luftimet”, tha zëdhënësja e ministrisë së jashtme ruse Maria Zakharova.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×