Rusia: Sanksionet e BE-së dhe SHBA-së nuk do të funksionojnë

Ministria e Jashtme ruse ka reaguar këtë të enjten ndaj sanksioneve të SHBA-së dhe BE-së, duke thënë se këto sanksione funksionuan kundër vetë bllokut dhe se elitat e BE-së nuk mund ta pranoj që sanksionet e tyre nuk do të funksionojnë.

Vendet e BE-së miratuan zyrtarisht të enjten paketën e 19-të të sanksioneve kundër Rusisë për luftën e saj kundër Ukrainës, që përfshin edhe ndalimin e importeve të gazit natyror të lëngshëm rus.

Ministria e Jashtme e Rusisë tha se sanksionet energjetike të SHBA-së ishin jashtëzakonisht “kundërproduktive” për gjetjen e paqes në Ukrainë.

Synimet ruse në Ukrainë mbeten të pandryshuara dhe shkaqet rrënjësore të konfliktit duhet të zgjidhen, u tha gazetarëve në Moskë zëdhënësja e Ministrisë së Jashtme ruse, Maria Zakharova .

SHBA-të kanë vendosur sanksione ndaj Rosneft dhe Lukoil, dy kompanive më të mëdha të naftës në Rusi, ndërsa administrata Trump rriti presionin mbi Kremlinin për të negociuar përfundimin e luftës së saj kundër Ukrainës.

LEXONI GJITHASHTU:

• Rubio paralajmëron Izraelin: Aneksimi i Bregut Perëndimor rrezikon
• Reagimi i Zelensky-t për sanksionet ndaj Rusisë: Janë një sinjal i mirë