Rusia sulmon Ukrainën me qindra dronë dhe raketa, dhjetëra të plagosur

Forcat ruse qëlluan një breshëri me qindra dronë dhe raketa kundër Ukrainës gjatë natës së të enjtes, duke synuar disa qytete dhe duke goditur objektiva civile dhe infrastrukturë energjetike.

Qyteti i Nizhynit në rajonin verior të Chernihivit u bombardua intensivisht në orët e vona të së mërkurës. Zyrtarët vendas thonë se disa vendbanime u goditën nga një valë dronësh rusë, duke filluar në orën 7 të mbrëmjes sipas orës lokale.

Dy persona u plagosën dhe u dërguan në spital si pasojë e këtyre sulmeve. Dy ndërtesa banimi dhe disa automjete u dëmtuan gjithashtu.

Njësitë e reagimit ndaj emergjencave thonë se çatia e njërës prej ndërtesave të synuara u shemb pjesërisht, duke kompromentuar integritetin e saj strukturor dhe duke e bërë ndërtesën një rrezik për banorët e saj.

Ndërkohë, Zelenskyy i cilësoi sulmet si terror dhe kërcënim rus dhe bëri thirrje për presion të mëtejshëm për ta detyruar Kremlinin të ulet në tryezën e negociatave për t’i dhënë fund luftës së vazhdueshme, e cila tani ka hyrë në vitin e saj të katërt.