Sa është numri i vizitorëve të huaj në Shqipëri për muajin janar

Në muajin janar, në vendin tonë kanë hyrë 560 mijë vizitorë të huaj, ose 14.5 për qind më shumë se janë e vitit të kaluar. Së bashku me emigrantët shqiptarë, hyrjet arrijnë në 1.16 mln, shifër kjo rreth 12% më e lartë se vitin e kaluar. Të dhënat e nxjerra nga Instituti i Statistikave tregojnë se hyrjet kryesore kanë qenë nga pjesa jugore e Europës, dhe gjithashtu nga të gjithë rajonet e tjerë, vërehet rritje e numrit të vizitorëve që kanë shprehur interes për të parë vendin tonë.

Konkretisht nga Europa, kanë ardhur 541 mijë njerëz, pasuar nga Amerika me 11 mijë dhe Azia Lindore me 3600 shtetas. Investimet dhe publiciteti që i është bërë Shqipërisë në fushën e turizimit, së bashku me planin për ta fuqizuar këtë sektor edhe për vitet në vazhdim, kanë ndikuar në fluksin e shtuar të turistëve, jo vetëm gjatë verës, por edhe në stinët e tjera të vitit.

Kujtojmë se vitin e kaluar, Shqipëria priti 11.7 mln vizitorë të huaj, ndërsa për këtë vit mendohet që shifra të arrijë në 13 mln.

LEXONI GJITHASHTU:

• Shtohen pushuesit e huaj në vjeshtë, 146 mijë turistë në hotele në nëntor
• Gazetari zbardh detajet: Pse u dhunua kreu i Operatorëve Turistikë të Sarandës