Sa janë të ardhurat për shtetin në vitin 2025 nga qiratë e pronave të sekuestruara

Agjencia e Administrimit të Pasurive të Sekuestruara dhe Konfiskuara (AAPSK) ka shënuar një rritje të ndjeshme të të ardhurave nga qiradhënia gjatë periudhës janar-qershor 2025.

Të ardhurat totale nga qiratë gjatë këtyre gjashtë muajve kapën vlerën prej rreth 100.4 milionë lekë, krahasuar me 58.4 milionë lekë në të njëjtën periudhë të vitit 2024.

Muaji mars i këtij viti shënoi rritjen më të lartë mujore, me të ardhura 153% më të larta se marsi i vitit 2024, nga 7.7 milionë lekë në 19.5 milionë lekë. Edhe muajt janar, shkurt dhe qershor shfaqën rritje të ndjeshme, mesatarisht 80% më shumë se vitin e kaluar.

Kjo performancë reflekton një menaxhim më efektiv të pasurive shtetërore nën administrimin e AAPSK-së, me ndikim të drejtpërdrejtë në të ardhurat publike.

Përfitimet nga këto të ardhura përdoren për forcimin e kapaciteteve të agjencive ligjzbatuese, si dhe për fuqizimin e komuniteteve.

LEXONI GJITHASHTU:

• Ish-ministri Ilir Beqaj i shtruar në QSUT, me infeksion të rëndë në lëkurë
• PAMJE/ Momenti kur shëmbet me shpërthim të kontrolluar godina 3-katëshe në Theth