Media të ndryshme kanë raportuar të enjten se Suedia ka kërkuar kthimin e anijes tregtare kineze në ujërat nordike, për të lehtësuar hetimet mbi dëmtimin e kabllove nënujorë për transmetimin e të dhënave.
Anija kineze, që aktualisht ndodhet në ujëra territoriale mes Suedisë dhe Danimarkës, u bë e dyshuara kryesore pasi u raportua në zonën ku kabllot ishin prerë.
Suedia, Finlanda dhe Gjermania ndërmorën një hetim javën e kaluar lidhur me incidentin dhe kanë ngritur shqetësime për një akt sabotimi.
“Nëse kemi një incident të vetëm, atëherë mund të jetë aksident. Por nuk ndodhin dy aksidente të ngjashme brenda 24 orëve”, tha Vermund Sogaard-Sorensen, ish-komandant i ushtrisë daneze.
“Qëndrimi pa lëvizur mbi vendin ku ndodhen tre kabllot nuk është normale për një anije tregtare”, u shpreh Jens Wenzel Kristoffersen, analist ushtarak.
Kryeministri suedez, Ulf Kristersson deklaroi se për momentin nuk po akuzon askënd, por kërkon që të zbardhet ajo që ka ndodhur.
LEXONI GJITASHTU:
- Lirohen 3 amerikanë të burgosur nga Kina për shumë vite
- Kina dislokon forca ajrore e detare, pasi SHBA dërgoi një avion mbi Tajvan
