Sali Berisha: KAS është institucion i verbër, udhëhiqet nga një i korruptuar

Sali Berisha tha këtë të mërkurë se në tre ditët e fundit, KAS ka dëshmuar se është një institucion i verbër, i cili sipas tij shkelmon të vërtetat elektorale.

Ai tha gjithashtu se institucioni udhëhiqet nga një bashkëpunëtor që dikur ka qenë shumë i afërt me Berishën, por që ky i fundit e ka shkarkuar për korrupsion.

“Këto 2-3 ditët e fundit KAS i partisë është dëshmuar një institucion i verbër, një institucion që shkelmon të vërtetat elektorale, një institucion që kryesohet nga një ish bashkëpunëtor i afërt i imi, i shkarkuar për korrupsion dhe tani humbet çdo lloj norme, parimi dhe vërsulet kundër kandidatëve fitimtarë se si e si ti kthejë në të mundur me meskinitetin, me qëndrimin e tij kriminal ndaj ligjit dhe të vërtetës. Ky person me urdhër të Edi Ramës legjitimoi në Rrogozhinë qendrën e ngritur në burg pa asnjë vendim dhe asnjë akt nënligjor të ndonjë institucioni për një qendër votimi”, -tha Berisha në mbledhjen me deputetët e tij.

Kujtojmë se KAS ka hedhur poshtë kërkesën e kolacionit Bashkë fitojmë për rinumërim të votave në bashkinë e Rrogozhinës, pa llogaritur kutinë e burgut, e cila solli përmbysjen e rezultatit dhe nxori fituese Partinë Socialiste.

LEXONI GJTIHASHTU:

• Roland Bejko: Nuk bëhet më fjalë për bashkim të Partisë Demokratike
• Nga “non gratat” te bllokimi i fondeve, lista e sanksioneve nëse Kurti thotë jo