Sali Berisha: Lulzim Basha do të çelë një gjeneratë të re në pushtet, njësoj si në Kosovë

Ish kryeministri Sali Berisha tha për Lulzim Bashën në studion e “Ilva Now” se nëse fiton zgjedhjet do të sjellë një frymë të re politike në Shqipëri, të ngjashme me frymën që qeveria e re në Kosovë.

“Unë shoh që Lulzim Basha do të çelë një gjeneratë të re në pushtet, njësoj siç ndodhi në Kosovë”, u shpreh z. Berisha.

I pyetur nga gazetarja Ilva Tare nëse Lulzim Basha duhet të japë apo jo dorëheqjen nëse humbet zgjedhjen, z. Berisha u përgjigj se zgjedhjet ka për t’i fituar Lulzim Basha dhe përmendi se ai vetë, kur humbi zgjedhjet e 2013-tës dha dorëheqjen, mirëpo ky është thjesht një qëndrim personal sipas tij.

“Qëndrimi im është që unë kam dhënë dorëheqjen, por secili bën zgjedhjen e tij”, tha Sali Berisha.

Sali Berisha tha për listën e kandidatëve për deputetë të PD-së  se është lista më e mirë e bërë ndonjëherë, pasi nuk ka hasur asnjë kundërshti.

“Si listë është lista për të cilën, siç keni konstatuar, ka pasur kundërshtitë më të pakta s çdo listë pararendëse”, u shpreh z. Berisha.

Z. Berisha shtoi se vetë ai ka parë të arsyeshme që PD-ja dhe LSI-ja të kandidojnë bashkë në zgjedhje, mirëpo sipas tij, LSI-ja kishte frikë se një dalje e tillë do ndikonte në identitetin e saj si parti.

“Unë isha për dalje bashkë PD dhe LSI, por LSI mendonte se kjo do t’i krijonte një problematike me identitetin e LSI-së si parti e majtë.”, u shpreh Sali Berisha.