Sali Berisha në Shkodër: Qeveria Rama e ka diskriminuar këtë qytet

Sali Berisha po kryen sot foltoren në qytetin e Shkodrës, ku demokratët janë mbledhur për të dëgjuar fjalën e z. Berisha dhe për bashkëbisedime rreth Partisë Demokratike.

Synimi i këtyre takimeve, sipas ish-kryeministrit është që ta “ngrejë Patinë Demokratike në vlerat e mëparshme”. Foltoret e Sali Berishes nëpër qytete të Shqipërisë kanë nisur menjëherë pasi kreu i PD-së Lulzim Basha e përjashtoi z. Berisha nga grupi parlamentar i PD-së.

Për qytetin e Shkodrës, Sali Berisha tha se është i diskriminuar nga qeveria e kryeministrit Rama.

“Për të, veriu nuk ekziston”, u shpreh Sali Berisha.

Sali Berisha e akuzoi qeverinë “Rama” se ka ngelur në vend numër në rrugën drejt integrimit në Bashkimin Evropian.

“Shqipëria është kthyer në delen e zezë të rajonit dhe Evropës”, tha ish-kryeministri.

Sali Berisha e akuzoi Edi Ramën se për t’iu kundërvënë nismës së Procesit të Berlinit, krijoi Ballkanin e Hapur.

Përgjegjësitë për faktin se Edi Rama ka nisur mandatin e tretë, bien mbi opozitën shqiptare. Opozita shqiptare nuk ka fituar në asnjë nismë përveç ligjit të dekriminalizimit, tha Sali Berisha.

“Opozita shqiptare kaloi këto tetë vite nga dështimi në dështim”, tha ish- kryeministri.

LEXONI GJITHASHTU:

Sali Berisha thirrje Ramës: Mos luaj me pluralizmin se do kesh fatin e paraardhësve