Salianji akuzon Ramën: Miratoi lejen për kullën 26 katëshe, u ndërtua me 40

Deputeti i Partisë Demokratike, Ervin Salianji, ka akuzuar kryeministrin Edi Rama, pasi sipas tij ka dhënë miratimin për ndërtimin e një kulle me 26 kate në qendër të kryeqytetit, por që në fakt është ndërtuar me më shumë kate.

Salianji u shpreh se është e pamundur që një ndërtim të kryhet pa bekimin e qeverisë, ku shtoi se është shumë pranë selisë së Partisë Socialiste, aty ky kalon kryeministri dhe ministrat.

Sipas tij, ligji nuk është i barabartë për të gjithë, sepse qytetarë të thjeshtë kanë shkuar në burg apo janë ndjekur penalisht edhe për kotece pulash.

“Sot, qeveria nuk e ka një përgjigje se është tërësisht e kapur dhe e pafuqishme. Ligji nuk është i barabartë për të gjithë. Këtu kam një raport mbi gjendjen e kriminalitetit, ku për vitin 2021, 1.757 qytetarë janë referuar për t’u ndjekur penalisht për ndërtim të paligjshëm.

Qeveria ndjek penalisht çdo qytetar të pamundur në këtë vend, dhe nga ana tjetër shikoni përballë institucioneve më të rëndësishme, këtu është selia e PS-së ku kryeministri dhe ministrat kalojnë. Kjo është leja e miratuar nga Edi Rama, nga KKT, 26 kate. Secili prej jush, e shikoni që ndërtimi ka shkuar thuajse 40 kate. Qytetarët e pamundur, gra, të moshuar pëfundojnë në burg. A ka mundësi që ky ndërtim në mes të Tiranës të bëhet pa bekimin e qeverisë? A e ka çuar dhe referuar në polici IKMT-ja këtë ndërtim?”, theksoi Salianji.

LEXONI GJITHASHTU

• Vijon aksioni për ndërtimet pa leje? Manastirliu përgjigjet për Euronews Albania
• Ndërtimi, lavatriçja e krimit? Në 3 vite u pastruan mbi 1.2 mld € në Tiranë
• Shqiptarët po blejnë më pak shtëpi, bie volumi i ndërtimeve të reja