Salianji-Çuçit: Të paaftë për të ndërhyrë te njerëzit që kanë lidhje me pushtetin

Deputeti i Partisë Demokratike, Ervin Salianji thirri sot në interpelancë ministrin e Brendshëm Bledi Çuçi për situatën e rendit dhe sigurisë në vend, kriminalitetin dhe emigracionin e paligjshëm.

Në fjalën e tij, Salianji nënvizoi se në vend janë një problem ngjarjet kriminale. Ai nënvizoi se Policia është e paaftë për të ndërhyjë te njerëzit që kanë lidhje me pushtetin.

“Të kemi shpallur në kërkim, jemi bërë si ju me kriminelët, ju shohim, por nuk iu kapim dot. Prej vitesh kriminaliteti është i rënduar; të gjithë ndeshen me pafuqinë e drejtuesve të Policisë së Shtetit që reflektohet edhe të policët e thjeshtë. E kam kërkuar në kushte kur Shqipëria ishte përditshëm nën dhunën e kriminalitetit, shqetësim trafiku i paligjshëm i shqiptarëve, dhe qeveria nuk pati asnjë reagim publik e jo më për të çuar përpara përgjegjësisë trafikantët. A ka plan qeveria dhe ministria e Brendshme për të luftuar krimin? Nëse po, cili?A ka një objektiv të shkruar që duhet të punojë masat e marra nga qeveria për të ndryshuar gjendjen e krimit të organizuar. A ka ndikuar dështimi i OFL dhe Vettingut për t’i dhënë krah krimit? Ju keni deklaruar se Drejtori i Policisë u shkarkua për mos arritjen e objektivit. Policia e paaftë të ndërhyjë te njerëzit që kanë lidhje me pushtetin. Sa është numri i subjekteve të konstatuara që kanë kryer ndërtime të paligjshme apo e kanë shkelur ligjin? Na vini listën e plotë të këtyre subjekteve. Sa është numri që IKMT ka referuar në Prokurori për ndërtimet pa leje? A janë marrë masa apo kallëzuar penalisht zyrtarë që kanë shkelur ligjin?”, tha Salianji.

LEXONI GJITHASHTU:

• Çuçi interpelancë për kriminalitetin: T’ia lëmë matematikës, ulëm numrin e vrasjeve
• Rikthehet Rihanna në Super Bowl: Jam nervoze
• Opozita kërkon drejtuesin e ERE në Kuvend, Vasili: Qytetarët duan sqarime