Salianji: Kur larguam Lulin i prishëm terezinë Ramës, koha të merremi me ju

Ervin Salianji ishte në “Now me Erla Mëhillin” në Euronews Albania kur u shpreh se Partisë Socialiste s’i vjen mirë që Partia Demokratike largoi Lulzim Bashën dhe tani janë bashkuar për të rrëzuar qeverinë.

Sipas tij, janë vonuar dhe kanë gabuar duke mbështetur Lulzim Bashën, por tashmë është koha të ndreqin gabimet dhe të fokusohen në rolin e opozitës.

“E di që ju vjen keq, por çfarë t’i bëjmë. Që e mbështetëm bëmë gabim, që e larguam bëmë shumë mirë. Dhe e larguam me votë, nuk e larguam kështu. Iku me votë ai, mbaroi filmi. Ne njësoj jemi prap. Disa mendojnë që duhet riorganizim, disa mendojnë që duhet të kemi lider tjetër, disa mendojnë që duhet të bojkotojmë këta të dy dhe këtu është vlera. Meqenëse u bënë dy vjet duke duartrokitur ju për shkak të gabimeve që bëmë ne, u vonuam, këtu keni të drejtë ju, ju prishëm pak punë, ju prishëm pak terezinë që e larguam Lulin, por tani jemi në situatë tjetër,” – u shpreh Salianji.

LEXONI GJITHASHTU:

• Salianji kritika SPAK: Të goditen ministrat kur janë në detyrë, jo si me Tahirin
• “Dikur i akuzonin”/Salianji: 80% e ish-ministrave të Berishës bashkëpunojnë me Ramën