Salianji kritika SPAK: Të goditen ministrat kur janë në detyrë, jo si me Tahirin

Ervin Salianji ka bërë kritika për SPAK duke thënë se ky institucion nuk është 100% i pavarur.

Në një intervistë për emisionin “Now” në Euronews Albania, ai theksoi se ministrat të goditen kur janë në detyrë dhe jo sapo largohen nga detyra.

Ai mori si shembull rastin e Saimir Tahirit dhe të Lefter Kokës duke hedhur dhe dyshime që drejtësia nuk është e pavarur nga qeveria.

“Kritika që kam ndaj SPAK është se si ka mundësi që ndërhyrjet bëhen vetëm pasi kryeministri i largon nga detyra. Ku e di kryeministri që largohen nga detyra vetëm ata që goditen nga SPAK. Ku ka drejtësi në vend të  botës që raporton te kryeministri. Unë do them që SPAK është 100% e pavarur kur të godasë ministrat në detyrë.  Koka dha dorëheqjen nga mandati pastaj u arrestua,  Ahmetaj u largua nga detyra pastaj u prek, Tahirin e mbrojtët me mandatin e më pas u godit sapo u largua”- tha ai.

LEXONI GJITHASHTU: 

• Pëllumbi: Arsyet pse Edi Rama ndryshoi qeverinë dhe roli i SPAK
• “Tani që u bashkuat po na fusni frikën”, deputeti i PS ironizon Salianjin