Salianji letër PPE-së dhe ambasadave: Në PD po shkatërrohen standardet demokratike
Ervin Salianji i është drejtuar me një letër Presidentit të Partisë Popullore Europiane (PPE), Manfred Weber, si dhe përfaqësive diplomatike të vendeve partnere, duke ngritur shqetësime për zhvillimet e fundit në PD.
Në letrën e tij, Salianji shpreh shqetësimin se në PD po cenohet demokracia e brendshme, duke përmendur bllokimin e garës për kryetar, mungesën e transparencës, përjashtime të konsideruara arbitrare dhe mosrespektim të statutit të partisë.
Ai thekson se çështja nuk lidhet me një kandidim individual, por me mbrojtjen e standardeve demokratike dhe pluralizmit të brendshëm në partinë më të madhe opozitare në vend.
Sipas tij, në procesin e brendshëm janë evidentuar një sërë problematikash, përfshirë pengimin e kandidaturave, mosfunksionimin e zyrës për dorëzimin e dokumentacionit brenda afateve, si dhe përjashtime pa vendime të argumentuara statutore. Po ashtu, ai ngre pretendime për moszbatim të rregullave që lidhen me përgjegjësinë e drejtimit pas zgjedhjeve parlamentare.
Salianji i kërkon PPE-së një angazhim parimor për të nxitur dialogun e brendshëm dhe respektimin e rregullave statutore në PD duke theksuar rëndësinë e ruajtjes së standardeve demokratike.
Në fund të letrës, ai rithekson angazhimin e tij për vlerat europiane, shtetin e së drejtës, pluralizmin politik dhe integrimin e Shqipërisë në Bashkimin Europian.
Apeli i GJKKO rrëzon kërkesën e Ilir Beqajt për lirim nga burgu
Ministri i Brendshëm reagon pas protestës: Opozita përpjekje për të penguar rrugën evropiane të vendit
Opozita bllokon foltoren, mazhoranca miraton propozimin e Ballës për kalimin direkt në votim
- 15:19 Apeli i GJKKO rrëzon kërkesën e Ilir Beqajt për lirim nga burgu
- 15:12 Ministri i Brendshëm reagon pas protestës: Opozita përpjekje për të penguar rrugën evropiane të vendit
- 15:03 Opozita bllokon foltoren, mazhoranca miraton propozimin e Ballës për kalimin direkt në votim
- 14:49 Kallas: Bllokada detare e rebelëve Huthi ndaj Arabisë Saudite, rrezikon stabilitetin rajonal
- 14:45 Seanca plenare, mbërrin në Parlament kryeministri Rama. Policia formon gardhin metalik (VIDEO)
- 14:24 Policia vijon shoqërimet e 4 protestuesve të tjerë, tensionohet situata jashtë Kuvendit