“Salianji nuk e krijoi lëvizjen për kryetar të PD”, Peka i ashpër: Donte postin e Flamur Nokës

Ish-zv.ministri i Brendshëm, Avenir Peka komentoi në emisionin Now në Euronews Albania garën për kryetar të Partisë Demokratike dhe debatet në distancë mes eksponentëve brenda kësaj partie.

Sipas tij, arsyeja pse Ervin Salianji krijoi lëvizjen brenda PD nuk ishte për kryetar të partisë, por sepse synonte postin e Flamur Nokës.

“Dihet që Berisha do fitojë në atë parti… Kur ka filluar Salianji lëvizjen nuk e ka krijuar për kryetar të PD, deri para pak kohësh ka qenë te Flamur Noka ai, nuk ka asgjë të keqe të ketë debat në parti dhe në qoftë se ka parti që ka debat është Partia Demokratike, në PS nuk ka ndodhur, në PD po është zgjedhur kryetari i ri në 2013, PS ka që në 2005, në 2021 ndodhi ajo që ndodhi dhe nisi një lëvizje e paprecedentë, edhe në kohën e Bashës ka pasur garë, por ata që kanë qenë në garë me Bashën kanë qenë njerëz seriozë. Nëse flitet për dinamizëm brenda një partie, për garë, PD është simbol i kësaj saqë është kthyer në dobësi”, tha Peka.