Salvini: Trump meriton çmimin Nobel për paqe po ndali luftën në Ukrainë

Zëvendëskryeministri italian, Matteo Salvini, ka deklaruar se Donald Trump duhet të marrë Çmimin Nobel për Paqe nëse arrin të ndalë luftën midis Rusisë dhe Ukrainës, duke theksuar se kjo do të sillte “një të ardhme më të qetë”.

Trump ka premtuar gjatë fushatës se do t’i jepte fund konfliktit në Ukrainë brenda 24 orëve nga marrja e detyrës, megjithëse nuk ka dhënë hollësi për mënyrën. Ndërkohë, Ministria e Jashtme e Rusisë ka raportuar përmes agjencisë Interfax se Moska dhe Uashingtoni po shkëmbejnë sinjale për Ukrainën përmes kanaleve të mbyllura.

“Donald Trump duhet të marrë çmimin Nobel për Paqen nëse arrin t’i japë fund konfliktit midis Rusisë dhe Ukrainës”, shkruan Salvini në “X”.

“Përveç shpëtimit të jetëve, kjo rezolutë do të na linte me një të ardhme më të qetë në krahasim me atë që demokratët na kanë lënë deri tani”, shtoi ai.

LEXONI GJITHASHTU:

• Trump bisedë telefonike me Zelenskyn, biseda dhe ndërhyrja surprizë e Elon Musk
• SHBA ekspozon planin iranian për vrasjen e Trumpit pak javë përpara zgjedhjeve