Samiti i 6 dhjetorit| Presidenti Bullgar mbërrin në Tiranë

Presidenti Rumen Radev mbërriti të hënën në Tiranë për të marrë pjesë të nesërmen në Samitin BE-Ballkani Perëndimor.

Në kuadër të vizitës së tij, Radev do të takohet me përfaqësues të minoritetit bullgar në Shqipëri dhe me zyrtarë të Bankës Evropiane për Rindërtim dhe Zhvillim, njoftoi Sekretariati për shtyp i Radevit.

Në delegacion është edhe ministri i jashtëm Nikolai Milkov.

Takimi do të fokusohet në partneritetin strategjik dhe zhvillimin e dialogut politik ndërmjet BE-së dhe vendeve të Ballkanit Perëndimor, sfidat e sigurisë, presionin e migracionit, luftën kundër terrorizmit dhe krimit të organizuar.

Kapërcimi i pasojave negative socio-ekonomike të luftës në Ukrainë dhe thellimi i krizës së energjisë dhe ushqimit do të jenë gjithashtu ndër pikat kryesore të diskutimeve.

LEXONI GJITHASHTU:

• Samiti i 6 dhjetorit, Charles Michel: Shumë simbolik, zhvillohet në zemër të rajonit
• Historiku i samiteve ndër vite