Samiti i Procesit të Berlinit, Rama pritet nga Mbreti Charles dhe Starmer në Londër

Kryeministri i Shqipërisë, Edi Rama, është mirëpritur nga Mbreti Charles III në Londër, në kuadër të Samitit të Procesit të Berlinit, ku marrin pjesë liderët e vendeve të Ballkanit Perëndimor.

Në foton e publikuar nga ceremonia, shihet momenti kur Rama i shtrin dorën Mbretit Charles. Rama gjithashtu u mikpritet edhe nga Kryeministri i Mbretërisë së Bashkuar, Keir Starmer.

Mbretëria e Bashkuar mirëpret këtë vit samitin vjetor të Procesit të Berlinit, me fokus te temat kyçe si emigracioni, siguria dhe zhvillimi ekonomik në rajon. Shqipëria përfaqësohet nga Kryeministri Rama, i cili gjatë ditës së martë, më 21 tetor, mori pjesë në disa tryeza dhe forume, ku diskutoi mbi integrimin evropian, bashkëpunimin rajonal dhe çështjet gjeopolitike në kontinent.

Takimi i këtij viti mbledh në një tryezë të përbashkët liderët e Shqipërisë, Kosovës, Serbisë, Malit të Zi, Bosnje-Hercegovinës dhe Maqedonisë së Veriut, si dhe përfaqësues të vendeve kryesore të BE-së, përfshirë Gjermaninë dhe Francën.

Rama pritet nga Mbreti Charles III në Londër

Kryeministri Edi Rama u mirëprit sot nga Mbreti Charles III në samitin e Procesit të Berlinit që po zhvillohet në Londër. Takimi, ku marrin pjesë liderët e Ballkanit Perëndimor dhe BE-së. pic.twitter.com/JWRa8NVEQh

— Euronews Albania (@EuronewsAlbania) October 22, 2025

LEXONI GJITHASHTU:

• Takimi me Mbretin Charles III në Londër, Rama ndan pamjet
• Rama batuta nga Londra për Presidentin e SHBA: Trump ka gjithmonë të drejtë