Samiti kundër Kinës/ Biden mbledh liderët e Japonisë dhe Koresë së Jugut

Takimi nuk ishte për Kinën, por Kina dominoi. Kështu tha presidenti Joe Biden lidhur me takimin trepalësh me liderët e Japonisë dhe Koresë së Jugugt.

Takimi u zhvillua në resortin veror të Camp David, i njohur për marrëveshjet historike të arritura atje.

“Ky takim nuk ishte për Kinën. Nuk ishte ky qëllimi i takimit, por atje përfundoi. Çështja e Kinës na doli përpara. Nuk është se ne nuk ndajmë shqetësimet për pozitat ekonomike dhe tensionet e shkaktuara nga Kina, por ky samit ishte për marrëdhëniet tona me njëri-tjetrin dhe thellimin e bashkëpunimit në një sërë fushash, që shkuan përtej çështjeve imediate që ngritëm”- u shpreh Joe Biden.

Biden vlerësoi hapur “guximin” e homologëve për të diskutuar këto çështje dhe që të tre theksuan se ky është një kapitull i ri në raportet mes tyre dhe për rajonin e Paqësorit veri-perëndimor.

Veç Kinës, treshja ra dakord të rrisë presionin ndaj Koresë së Veriut dhe të ecë me sanksionet ndaj Rusisë.

LEXONI GJITHASHTU: 

• Shtyhet seanca për ndryshimet kushtetuese në RMV, s’u arritën 2/3-at e votave
• Ukraina do dështojë, inteligjenca amerikane: Kundërofensiva s’i arrin objektivat