Samiti me vendet e BE në Paris, Macron: Do dërgojmë trupa në Ukrainë

Presidenti i Francës Emmanuel Macron tha pas samitit me vendet e BE dhe Zelenskin në Paris se, 26 vende kanë rënë dakord zyrtarisht që të dërgojnë trupa në Ukrainë, ose të ofrojnë burime të caktuara për të mbështetur forcat e koalicionit në garantimin e sigurisë në det apo në ajër.

“Qëllimi i këtyre forcave është të garantojnë paqen dhe të japin një sinjal strategjik për të parandaluar rifillimin e luftimeve”, tha Macron.

Presidenti francez u shpreh se nëse Rusia vazhdon të refuzojë bisedimet e paqes, do të vendosen sanksione të reja në koordinim me SHBA-në.

Më shumë se tre vjet e gjysmë pas pushtimit të plotë të Ukrainës nga Rusia, Putin tha këtë javë se kishte “një dritë të caktuar në fund të tunelit” dhe se “ka mundësi për të siguruar sigurinë e Ukrainës në rast se konflikti përfundon”.

Megjithatë, Rusia e ka bërë të qartë se asnjë forcë perëndimore nuk duhet të vendoset në Ukrainë dhe ka këmbëngulur që ajo duhet të jetë një nga vendet që vepron si “garantuese” – një ide e refuzuar nga Kievi dhe aleatët e tij.

Putini ka ngritur gjithashtu perspektivën jorealiste të ardhjes së Volodymyr Zelensky të Ukrainës në Moskë për bisedime.

Rutte tha të enjten se Rusia nuk kishte veto ndaj trupave perëndimore që do të dislokoheshin në Ukrainë: “Pse na intereson se çfarë mendon Rusia për trupat në Ukrainë? Është një vend sovran. Nuk është detyrë e tyre të vendosin”.

LEXONI GJITHASHTU:

• Liderët evropianë në Paris, synojnë finalizimin e garancive të sigurisë në Ukrainë
• Kim premton mbështetje të plotë për luftën e Rusisë kundër Ukrainës