Samiti në Hungari, Polonia: Nëse Putin kalon hapësirën tonë ajrore do të arrestohet

Polonia paralajmëroi të martën presidentin rus, Vladimir Putin lidhur me udhëtimin e tij nëpër hapësirën e saj ajrore për në samitin që do të mbahet në Hungari me presidentin e SHBA-së, Donald Trump. Polonia theksoi se do të detyrohet të ekzekutojë urdhër arrestin ndërkombëtar nëse Putin kalon në hapësirën ajrore polake për të udhëtuar drejt Hungarisë.

Kryeministri hungarez Viktor Orban mban marrëdhënie më të ngrohta me Rusinë sesa me vendet e tjera anëtare të Bashkimit Evropian. Budapesti ka thënë se do të sigurojë që Putini të mund të hyjë në Hungari për samitin dhe të kthehet në shtëpi më pas.

Për të shmangur udhëtimin mbi Ukrainë, delegacioni i Rusisë do të duhet të fluturojë nëpër hapësirën ajrore të të paktën një vendi të BE-së. Urdhri i arrestit i GJND-së i detyron shtetet anëtare të gjykatës të arrestojnë Putinin nëse ai shkel në territorin e tyre. Të gjitha shtetet e BE-së janë anëtare të GJPN-së, por Hungaria është në proces të largimit.